Philologic Results

316. An den flüchtigen Albericus Manincor Stams, 1. Juli 1656 Im Namen von Abt Gemelich: Abt Gemelich macht Albericus [Manincor] darauf aufmerksam, dass sein Dimiss-Brief nur für kurze Zeit ausgestellt war, bis klar ist, wie es mit ihm weitergehen soll. Man hält es nun für das Beste, wenn Manincor nicht mehr nach Stams, den Ort seines Vergehens, zurückkehrt, sondern sich innerhalb von drei Wochen nach Erhalt dieses Briefes nach Kaisheim begibt. Sollte er diesem Auftrag nicht nachkommen, wird er als Ordensflüchtling denunziert und exkommuniziert. Der Dimiss-Brief wird hiermit als ungültig erklärt. Der Abt hofft, dass Manincor wieder in den Schoß der Kirche zurückkehren kann. Ad fratrem Albericum Manincor, ex conscientia alicuius delicti fuga dilapsum, nomine reverendissimi domini abbatis, 1. Iulii anno 1656

-- F123v --

Religiose, in Christo dilecte

(1) Memineris datas a nobis dimissorias, quas per humilem tuam instantiam a benignitate nostra extorsisti, ad aliquam solum eamque brevem temporis periodum concessas fuisse eo usque in robore duraturas, quoad aliud de tua persona provide disponeremus. (2) Interea ergo in animae tuae salutem multum solliciti, cum certi nobis esse videremur te vel ob verecundiam vel ob minus bonum affectum erga quosdam tuorum confratrum aegre pro nunc ad repetendum pristinum ovile inductum iri, humanae tuae passioni atque infirmitati paterne condescendentes, eo consilii nostri cymbam defleximus, ut tibi e saeculi naufragio et antiqui serpentis faucibus eripiendo in alia quapiam ordinis domo mansionem conducendam ac procurandam censeremus. (3) Quam ob rem ne in erronum ac vagorum numero ulterius habeare, vigore praesentium tibi serio et in virtute sanctae oboedientiae iniungimus ac mandamus, ut quatriduo ab harum receptione itineri te accingas et infra trium septimanarum terminum in monasterio Caesariensi certo atque infallibiliter te sistas, cuius reverendissimus dominus abbas,[ERROR: no reftable :] reverendissimus ... abbas] Gemeint ist Abt Georg IV. Müller von Kaisheim. cum nuper ore ad os nobis loqueretur, in tui receptionem pronissime consensit.

(4) Sin autem (quod minime auguramur) amore saeculi forsitan inescatus hisce nostris imperiis obedire atque intra praefatorum dierum decursum ad Caesaream te conferre renuas, in vim talis inoboedientiae amodo et ex nunc temporis formalem te apostatam in continuo excommunicationis anathemate positum ab altaris accessu atque administratione muneris alterius cuiuscumque ecclesiaci actualiter suspensum harum tenore et ex potestate ordinis declaramus atque denuntiamus.

(5) Ac ne fors te praetacto dimissorio nostro, quod ad temporariam tanti et breviusculam permanentiam in Kaltern restrinximus, deinceps tibi adhuc abblandiaris eoque velut scuto conscientiam tuam fulcire ac obumbrare praesumas, praesentibus hisce scriptum illud de integro revocamus et annullamus omnemque illius valorem ac patrocinium extinctum penitus et suffocatum pronuntiamus, ita ut coram Deo ac tremendo eius tribunali illud posthac nihilo plus tibi suffragaturum scias, atque si numquam scriptum et a nobis concessum foret aut fuisset. (6) Ceterum avertat a te Deus cor induratum pharaonis teque ad suave suum famulatum postliminio assumendum potenti sua virtute reducat! (7) Ita vovimus in Stambs pridie beatissimae Virginis Elisabetham visitantis seu 1. Iulii anno 1656.