(3) Et ad reverendissimum quidem quod attinet, fuit is sub eosdem dies, quibus epistulam reverentiae vestrae a me transmissam acceperat, Oeniponte occupatissimus in sollicitanda sua manumissione ab officio archiducalis camerae, quam (resolutione penes aulam diu protelata) tandem etiam feliciter obtinuit perhonorifico dimissorio sub signatura et subscriptione serenissimi[ERROR: no reftable :] serenissimi] Gemeint ist Erzherzog Ferdinand Karl. donatus. (4) At vix domum nostram reversus mox nuntium accepit de superventuro reverendissimo domino visitatore, qui et ultimo Maii ad monasterium nostrum sero vespere appulsus postera statim die scrutinium instituit et in vigilia pentecostes nobis ad capitulum convocatis cartam visitationis et nova congregationis statuta Cistercii cusa dereliquit, in quibus multa sane odiosa (sanedum exteriorem hominem loquor) favorabile vix quidquam.