Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
(2) Quod nuperis temporibus reverentiae vestrae significavi fore, ut hac aestate
binae de novo sacristiae exaedificarentur, nunc per palinodiam recanto, siquidem
reverendissimi nostri[ERROR: no reftable :] reverendissimi nostri] Gemeint ist Abt Bernhard
Gemelich. proposita et intentiones (sit verbo venia) ita
nutant et variant, ut nihil amplius vobis de futuris aedificiis nuntiare
constituerim, antequam erecta videro et ad ultimam faciem perducta. (3) Modo nam cum
praesentes iam sunt murarii, decrevit reverendissimus noster unicam tantum extruere
sacristiam eamque et in loco veteri et nihilo ferme ampliorem ac, nisi decreta
mutentur, adeo humilem, ut exiguo futura sit ornamento. (4) Ego si veteris
habitaculi angustias commutare et in novum tandem prioratum novus colonus immigrare
concupiscam, omnia et singula, quae ad conclavis illius efformationem complendam
spectant, conventus peculio comparem necesse est, prout defacto praeter alia
asseres, nuceos et cerrinos notabili pecunia iam conduxi.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|