Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
(4) Spero tamen eundem huius anni vere et aestate aliquanto tenacius domi nostrae
haesurum occasione novi aedificii, quod molitur, siquidem destructa iam veteri
sacristia nostra tam superiore quam inferiore, duas novas sibi contiguas hoc anno
excitabit, quarum prior sive exterior pristinum quidem locum occupabit, in aliam
tamen et altiorem formam redigenda. (5) Alteri vero seu interiori in ipso capitulo
meta figetur. (6) Erat quidem id mentis reverendissimus noster, ut totum antiquum
dormitorium proxime sub mensem Martium deici et novi praeexistentis figuram porro
continuari curaret, sed audito tumulto Helvetiorum, qui inter Ortho- et Heterodoxos
versatur et a quo, nisi sopiatur, etiam patria nostra, quod sibi timeat, habet,
pedem intentionis suae iam retraxit binas solummodo novas sacristias hac aestate
erecturus.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|