Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
-- F119r -- (1) Dies 14tus est, cum reverendissimo domino praesuli vestro,
[ERROR: no reftable :]
reverendissimo ... vestro] Gemeint ist Abt Georg IV. Müller von
Kaisheim. observandissimo patri nostro
[ERROR: no reftable :]
observandissimo ... nostro] Gemeint ist Abt Bernhard
Gemelich. per epistulam significavi futurum, ut
reverendissimus meus postridie epiphaniorum aurigas nostros ad oppidum Fiessense
destinaret (frumenti causa, quod censum nomine quotannis inde tollere consuevimus)
iisdemque duo vini dolia, rubentis et albicantis, traderet reverendissimo vestro in
exiguum xenium deputata. (2) Quia vero epistulae illi meae responsionis adhuc nihil
successit atque adeo, num ad metam destinatam pervenerit, subdubitare incipimus,
placuit alteram emissariam subiungere, qua reverendae admodum pietati vestrae
intimatum cupio, praedicta vasa vini proxime praeterlapsa dominica, quae dies erat
Ianuarii nonus, Fiessenae appulisse ibidemque in aedibus officialis nostri domini
Ioannis Spaiser ad custodiam deposita tantisper subsidere, dum ea per fidum aliquem
famulitii vestri inde Caesaream usque devehantur. (3) Operae ergo pretium fecerit
reverenda admodum pietas vestra, si adlaborarit, ut absque longiore mora e penu
alieno eximantur ac cellam vestram Caesariensem subintrent. (4) Sicuti nam vina
praeteriti autumni praestantia sunt et haec ipsa, quae mittuntur, de meliore nota
esse confidimus, ita plus etiam periculi eisdem impendere potest, ne fors per
pocillatores corrumpantur et baculo compunctionis vitientur. (5) Id quod brevissime
admodum reverendae pietati suae suggerere meque obnixius commendare volui. Ex Stambs
etc.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|