Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
(1) Rite obvenere, quas reverendissima pietas vestra 12. Decembris in sua Caesarea
signaverat nuntiantes obitum reverendi admodum patris Udalrici Helmschrodt, cuius
animae preces, quas exigimur, ac suffragia, quae ex vinculo religionis debemus,
sedulo persolvere curabimus. (2) Reverendissimus meus,[ERROR: no reftable :] reverendissimus meus] Gemeint ist
Abt Bernhard Gemelich. qui hoc tempore cetera sanus ex
pedibus non usquequaque bene habet, reverendissimae pietati vestrae calamo meo et
hisce meis litterulis annum novum auspicatissimum et omni benedictionum copia
affluentem animitus adprecatur xenium proxime submissurus, quando aurigas nostros
primis ab epiphania diebus Fiessenam pro sustollendis censibus frumentariis
amandabit, qui duo dolia vini ferent reverendissimae pietati vestrae deputata et
loco exilis strenae acceptandae, quibus ex dicto oppido ulterius usque ad
Caesariense diversorium promovendis reverendissima pietas vestra unum aliquem ex suo
famulitio in Füessen uti antehac destinare non gravabitur. (3) Raptim ex Stambs die
festo sanctorum innocentium 1655.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|