(3) Ceterum cum mihi de via, qua litterae in Franconiam tuto perferendae, non constet, amica usus fiducia operam reverendae admodum pietatis vestrae mihi desuper sollicitandam duxi, cui scio occasiones certas non defore hisce inclusas ad monasterium Speciosae Vallis celeriter devolvendi. (4) Atque hanc meam non tam praesumptionem quam confidentiam reverenda admodum pietas vestra iniquius ne ferat, rogo meque eidem in sanctas preces et sacrificia commendo.