Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
(1) Oblata usus occasione submittere admodum reverendae dominationi vestrae per harum
latricem volui brevem eorum syllabum, quos perpetuo psalterio magnae Virginis per
annum circiter adscripsi adiunctis aliquot schedis horariis, quae cum oratoribus
suis morte extinctis una expirarunt, ut et illi generali militum Marianorum albo
inseri possent et -- F115r -- hi consuetis defunctorum suffragiis non defraudarentur. (2)
Cuperem sane quam maxime huius devotionis pomeria dilatare et, si per me staret,
integras hominum centurias in hos sanctos trahere casses. (3) Atque hoc unum et
totum est scriptionis meae argumentum. (4) Cui aliud non addo, quam quod iuxta
salutem et fraterna mea obsequia admodum reverendae dominationi vestrae in preces et
sacrificia ut fratri me obnixius commendem. (5) Raptim in domenica quinquagesimae
anno 1655.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|