(1) Iam in eo eram, ut nuntium quempiam ad Oenipontanum Societatis collegium pro tollendis libris ablegare disponerem, cum ecce bona fortuna harum relator improviso supervenit sarcinam ferens cartaceam, in qua tomos quattuor transmissos omnes illibatos reperi. (2) Arriagam suum et Oviedum reverendus pater lector cum gaudio exceperit, Poncii[ERROR: no reftable :] Arriagam ... Poncii] Zu den Philosophen vgl. Noten zu ep. 288. non philosophicum tantum, ut ego rebar, sed et theologicum cursum cum desiderio exspectans. (3) Qui ubi Salisburgo ad manus admodum reverendae dominationis vestrae appulerint, pretium operae factura fuerit, si compactos ad nos submiserit, utpote quibus nec membranae sunt nec suillum corium, quo inducantur. (4) Mastrium si dominatio vestra intra breve tempus conquirere diffidat, reverendus pater lector verbulo sibi significari cupit de alia occasione prospecturo. (5) Ceterum quos octo florenos ego pro meo Barbosa [ERROR: no reftable :] Barbosa] Vgl. Noten zu ep. 284. debeo, numerare eos vellem reverendissimo nostro,[ERROR: no reftable :] reverendissimo nostro] Gemeint ist Abt Bernhard Gemelich. a dominatione vestra vicissim de pretio vini accepti (si quidem illud solutum forte nondum sit) detrahendos. (6) Sin autem sibi in Thaur transmitti malit, paratus sum grato animo illuc in proximo dirigere. (7) Super quo dum responsum operior, admodum reverendae dominationis vestrae valetudinem, quam vacillare intelligo, roborari et in annos plurimos stabiliri peropto.