286. Stephani an Abt Bernhard Gemelich in Mais Stams, 17. Oktober 1654 Stephani freut sich, dass Gemelich gut in Mais angekommen ist und dass sich die Ernte besser als erwartet entwickelt. Der Sohn des Innsbrucker Glasers, Paul Ludwig, war in Stams und hat sich sieben Tage lang die Logik-Kurse angehört. Ohne zu grüßen, ist er dann plötzlich nach Innsbruck zurückgekehrt. Stephani will den ausfindig machen, der ihm Ungeheuerlichkeiten über das Kloster eingeflüstert haben könnte. Aus Hall ist ein junger Mann vorstellig geworden, der eben die Rhetorikklasse abgeschlossen hat. Stephani bittet, ihn möglichst schnell einkleiden zu dürfen. Vor zwei Tagen ist die Vorhalle des Kanonikerhauses in Silz eingestürzt. Als der Pfarrer Stephani um Rat fragen wollte, wies er ihn zurück, weil er nicht weiß, was hier zu tun ist. Ad abbatem nostrum in vindemiis agentem, 17. Octobris 1654. Reverendissime in Christo pater, amplissime praesul, observandissime domine domine

(1) Incolumem appulisse reverendissimam pietatem vestram ad filios suos Maisenses cum gaudio intellexi. (2) Simul etiam per Dei benedictionem proventum vini spe nostra maiorem colligendum fore laetus accepi. (3) Domi vero nostrae quid rerum agatur, tribus verbis aperio.

(4) Vitriarii Oenipontani privignus, Paulus Ludwig, quem non ita pridem pro sacro ordinis habitu supplicem nobis se fecisse reverendissima pietas vestra probe meminerit, postquam dies septem nobiscum egisset et lectiones logicas frequentasset, nescio, a quo susurrone in transversum actus clam insalutatis omnibus fugam iniit ac Oenipontum remeavit referens matri suae et vitrico tantas ordinis ac monasterii nostri austeritates a quodam sibi in aurem praedicatas esse, ut hmanitus eas sibimet insuperabiles existimet. (5) E pueris nostris scholaribus (quorum mensa et contubernio usus erat) sufflator ille fuerit, an e fratribus quispiam iunioribus, indagare non desinam, dum explorem.

(6) Ceterum in locum huius transfugae alius se praesentavit adolescens Halensis, absolutus rhetor, annorum aetatis suae viginti, fratri nostro Thobiae [ERROR: no reftable :] fratri ... Thobiae] Gemeint ist Bruder Tobias Zigl. notus et quondam in inferioribus condiscipulus, expeditus in lingua Latina et optimam indolem praeferens, quem (ne simile perversionis periculum subire eum contingat) liceat, rogo, per reverendissimae pietatis vestrae assensum religioso amictu maturius investiri, ubi saltem pro cantu addiscendo habilem deprehenderimus.

(7) Ante biduum in Silz propylaeum sive pars anterior aedis canonicae diu iam lapsum meditata tandem corruit turpem faciem domui ac praetereuntibus relinquens. (8) Volebant autem me parochiani, quid facto desuper opus, consulere, sed quia negotium est supra me, nihil ad me attinere respondi. (9) Atque haec pauca reverendissimae pietati vestrae occupatissimae. Ex Stambs etc.