Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
(3) Responsum ad ternas suas cur reverendissima pietas vestra, uti scribit, a domino
abbate meo non obtinuerit, equidem ignoro. (4) Id tamen scio per duos iam fere
menses eundem in comitiis Tyrolensibus cum Oeniponte, tum Halae celebratis tam
graviter distentum fuisse, ut exarandis epistulis vix locum aut tempus haberet,
praesertim in defectu secretarii et amanuensis. (5) Porro (quod plurimum doleo)
vacillat non modicum hoc tempore valetudo reverendissimi mei octo iam diebus in ipso
diversorio acidularum ex podagra decumbentis, a qua benignissimus Deus eum brevi
liberum velit precor, ne a tam celebri capitulo mox instante abesse cogatur
invitus.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|