Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
280. Stephani an Abt Bernhard Gemelich in Obladis
Stams, 10. August 1654
Stephani weiß zwar, dass es der Wille des Abtes war, in Obladis nicht durch lästige
Briefe gestört zu werden, doch einen Brief aus Kaisheim muss er weiterleiten. Der
bestellte Lektor für Philosophie kam gestern mit zwei Gefährten an, von denen nur
einer nach dem Mittagessen nach Innsbruck zurückgeschickt wurde. Der Ansturm der
Beichtwilligen ist so groß, wie noch nie, Grund dafür ist die bevorstehende
Sonnenfinsternis.
Ad reverendissimum dominum abbatem nostrum acidulis utentem in Lädis, 10. Augusti
1654.
Salutem filialem et ab aquis salubre refrigerium.
Reverendissime in Christo pater, observandissime domine domine
(1) Memor monitionis, quam a reverendissima pietate vestra nuper abeunte acceperam,
ne videlicet in acidularum nymphaeo versantem litterarum missitationibus obturbarem,
exacte obsecundare statueram. (2) At nunc sublimiore imperio compulsus cogor
impraesentiarum transmittere, quas heri cenae accubiturus e Caesarea accepi, quarum
tanta relevantia est, ut prorsus tardandum non fuerit, quin ocius eas per proprium
ad reverendissimam pietatem vestram destinarem.
(3) Conductus philosophiae lector[ERROR: no reftable :] conductus ... lector] Gemeint ist Pater Eugenius
Callamanus (vgl. ep. 344). hesterno primum in prandio
supervenit cum duobus sociis, quorum unum refectione finita Oenipontum remisit
retento altero. (4) Est apud nos diebus iam multis tantus confitentium occursus,
quantum vix vidisse memini per plurimos annos. (5) Ita nimirum metus futurorum ante
et post eclipsin homines ad saniora compellit. (6) Atque his reverendissimae pietati
vestrae (quam aegre habere intelligo) condolendo prosperam valetudinem animitus
exopto.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|