Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
(1) Tandem aliquando beneficio Umbhusano provisum est de vicario et ovibus de
pastore. (2) Is est reverendus dominus Nicolaus Sulzenbacher, bonae conversationis
et non vulgaris litteraturae sacerdos, hactenus per annos aliquot Oeniponte apud
dominum decanum Capellani officio functus, nunc vero pro cura vacantis ecclesiae in
Umbhausen a reverendissimo domino suffraganeo Brixinensi[ERROR: no reftable :] reverendissimo ... Brixinensi]
Gemeint ist der Brixner Weihbischof Jesse Perkhofer.
approbatus ac sine difficultate admissus. (3) Migrabit ad ovile sibi concreditum
proximis his diebus. (4) Quem quia comitem metuimus habiturum decanum
Flaurlingensem, hasce ad reverentiam vestram per proprium dirigere iussus sum
admonendus, eam ne casu dato quidquam monasterio nostro et iuribus eius -- F109v --
praeiudiciale a dicto domino decano fieri vel attentari patiatur. (5) Quem in finem
consultum fuerit reverentiam vestram ab harum receptione claves tam aedium
canonicarum, quam ipsius ecclesiae penes se servare, ne alicui clandestino actui
practicando ianua pandatur. (6) Quodsi praenominatus decanus aliud non intenderet,
quam novum curionem simpliciter quoad curam spiritualem animarum instituere,
refragari nihil possemus, siquidem ista nemine abnuente ad episcopum spectat. (7)
Ceterum ubi profectionem et transitam eiusdem decani explorare potuero, confestim
iudicem nostrum submittam, qui nomine reverendissimi nostri
[ERROR: no reftable :]
reverendissimi nostri] Gemeint ist Abt Bernhard
Gemelich. praefatum dominum Sulzenbacher quoad temporalia iuri
advocatiae connexa instituat et contra omnes actus adversos protestetur. (8) Interim
reverentia vestra valeat et re bene gesta et composita ad caulam suam remeare
festinet. Raptim ex Stambs, 4. Iulii post meridiem.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|