(5) Reverendum dominum Michaelem Kirmair postridie mei Oeniponto reditus ad beneficium in Wertach emisimus instructum cum praesentatione ad dominum decanum Obersdorfensem, tum aliis etiam litteris ad Ioannem Spaiser officialem nostrum ad communitatem Wertacensem et ad resignantem dominum Kreuzer. (6) Timeo hominem exotici humoris cum plebe diu in pace non perstiturum. (7) Deus reverendissimam pietatem vestram bene sospitem velit et nobis in multas aetates conservet.