Welcome to PhiloLogic  
   home |  the ARTFL project |  download |  documentation |  sample databases |   
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
Previous Section

Next Section

272. Stephani an Abt Thomas II. Schwab von Salem Stams, 5. Mai 1654 Stephani hat innerhalb von acht Tagen zwei Briefe von Abt Thomas bekommen: eine Gratulation an den neugewählten Erzbischof von Salzburg, einen Brief mit einer Nachricht des Zisterziensergenerals Claude Vaussin, die offenbar schon geöffnet wurde. Der Generalabt möchte im April und im Mai die Oberdeutsche Kongregation visitieren. Stephani freut sich, dass dabei hoffentlich viele geheime Pläne endlich offenbar werden. Stephani fragt, wie man einen General korrekt im Kloster aufnimmt, hat doch Salem einst schon Generalabt Nicolas Boucherat aufgenommen. Abt Thomas soll Stephani informieren, sobald der General in Salem ist und ob er die Absicht hat, alle Klöster zu bereisen oder ein Generalkapitel einzuberufen. Stephani hofft, dass der Abt über frühere Briefe nach Citeaux Stillschweigen bewahrt. Die Äbte der Kongregation sollen sich überlegen, wie mit dem Abt von St. Urban verfahren werden soll, und dass ihnen der Generalabt nicht das Präsidenten- und Vikarswahlrecht entzieht.

-- F127r --

Ad reverendissimum dominum abbatem Salemitanum Thomam, 5. Maii 1654, spectat ad folium 106 sub signo P.[ERROR: no reftable :] Die im Codex nachgetragenen Briefe wurden in dieser Edition an ihre chronologisch korrekte Position gebracht. Reverendissime in Christo pater, amplissime praesul, colendissime domine assistens

(1) Binas intra octidui decursum a reverendissima pietate vestra obtinui. (2) Prioribus insertas reperi gratulatorias ad electum illustrissimum et reverendissimum archiepiscopum Salisburgensem,[ERROR: no reftable :] electum ... Salisburgensem] Gemeint ist Erzbischof Guidobald von Thun (1654-1668). quas ego sua epigraphe donatas sine cunctatione Salisburgum direxi. (3) Posteriores vero continebant epistulam reverendissimi et illustrissimi domini generalis nostri, [ERROR: no reftable :] reverendissimi ... nostri] Gemeint ist Generalabt Claude Vaussin. cuius contextum, credam, reverendissima pietas vestra forte iam norit, utpote quae non iam amplius rite clausa, sed cum manifestis indiciis aperturae ad me pervenerit. (4) Laudo ac veneror illustrissimi et reverendissimi domini Claudii generosam resolutionem, qua desideratam diu suam praesentiam tandem Germaniae nostrae exhibere statuit et in Aprilem vel Maium visitandis congregationis nostrae coenobiis initia ad partes Helvetiae daturum scribit. (5) Gaudeo appropiare tempus tandem, quo multorum de congregatione distortae non minus quam tectae intentiones demum aliquando in apricum educentur.

(6) Quo ritu, quibus solemniis tantum hospitem in nostris monasteriis excipi oporteat, optime, reor, instruere poterit reverendissima pietas vestra, quippe cuius domui Salemitanae iam olim haec salus facta est, ut Cisterciensis archimandrita et superior ordinis generalis (Nicolaus Boucherat) ad eam diverteret. (7) Illud cumprimis rogatam velim reverendissimam pietatem vestram, ut in huius illustrissimi praesulis ad Salem appulsu dextre explorare studeat meque quamprimum reddere certiorem, num is in proposito habeat universa nostrarum quattuor provinciarum asceteria singulatim obire, an vero ad certum aliquem locum reverendissimos congregationis patres pro capitulo convocare, quod quidem meo iudicio magis faceret tum ad sublevamen reverendissimi domini generalis, tum ad efficacius consulendum communibus nostris perplexitatibus.

(8) Interim certa sum fiducia,

-- F128r --

reverendissimam pietatem suam fluctuantem cymbam congregationis nostrae illustrissimo domino generali fervide commendaturam eaque, quae ante trimestre scripto Cistercium emisimus, oretenus familiarius iuxta ac nervosius retexturam. (9) De reliquo honoratissimis dominis coabbatibus nostris duo singulariter curae esse percuperem; alterum, ut casu, quo illustrissimus et reverendissimus dominus Claudius in partem visitatorii muneris abbatem Sanct-Urbanensem[ERROR: no reftable :] abbatem Sanct Urbanensem] Hier wird auf die umstrittene Bestellung des Abtes Edmund von St. Urban als Visitator der Provinz durch den Generalabt angespielt, vgl. >Primisser cap. 42 § 35 Edmundus abbas S. Urbani negotiis suis Romae feliciter gestis domum redierat, cum mandatum ab archipraesule Cisterciensi vel extorsit vel certe accepit singula congregationis monasteria visitandi. Nuntiavit hoc suum negotium praesidi nostro, hic reliquis abbatibus. Responderunt hi uno animo non esse admittendum S. Urbani praesulem tamquam visitatorem. Rescripsit ergo praeses commissario tum ipsi etiam committenti coenobia pleraque nuper fuisse visitata, ideo grave nimis fore visitationem tam subitam, tam insuetam, tam inutilem sustinere. sibi adscisceret (quod mihi quidem ferme praesagit animus), deliberent secum matureque ponderent, num ille citra exceptionem admittendus veniat, intuitu et recordatione illius inhibitorii, quod superiore anno a sacra congregatione episcoporum contra ipsius commissionem emanatum accepimus. (10) Alterum, ut strenue omnes unitisque viribus adlaborent, ne ius electionis praesidis ac vicarii generalis congregationi nostrae auferatur et reverendissimus dominus generalis personarum et qualitatum nescius quemlibet sibi bene visum, aptum an inidoneum, constituere tentet. (11) Faxit divina bonitas, ut praesenti occasione et illustrissimus dominus generalis congregationi nostrae solide concilietur et haec introducta meliore harmonia in novam firmitatem ac robur adolescat. (12) Dedi ex meo monasterio currente mense Maio et anno supra millesimum et sexcentesimum 54to.

Previous Section

Next Section


Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
Powered by PhiloLogic