(6) Cum sub finem mensis Ianuarii fratri Fortunato[ERROR: no reftable :] fratri Fortunato] Gemeint ist Bruder Fortunatus Clementi. de necessariis indumentis quaedam transmisi, quantum per me steterat, aequali fortuna et tu gaudere potueras. (7) Quod vero oblivione vel indignatione te praeteritum putas, ex vano suspicio tua est.

(8) Commilitonem potius tuum culpes, qui cum suas necessitates tam splendide proponere et exaggerare potuerit, tuarum ne verbo vel unico meminit, alioqui ad succurrendum etiam tuae egestati ex parte mea non fuisset manus contractior. (9) Nunc vero cum similem occasionem aliquid ex vestiario nostro ad vos destinandi ante autumnum vel hiemem habiturus non sim, epychia uteris et caligas, quarum tanta indigentia premeris, honestas Ingolstadii comparabis suo tempore apud reverendissimum demisse excusaturus allegando non meam licentiam, sed tuam inevitabilem necessitatem.