Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
(1) Tardiores, nihil dubito, sunt exspectatione tua hae meae, quas geminis tuis
epistolis iam dudum repositas desideraris. (2) Faxo igitur, ut tarditatem harum
compenset prolixitas. (3) Lectionem moralem seu casuisticam ut suasu professoris
tui frequentare desistas, occasione pomeridianae scriptionis in speculativa, ego
minime ratum habeo, quin potius adhortor, ut toto eam tempore, quo ex arbitrio
superiorum tuorum Ingolstadii moram traxeris, constanter prosequare, visurus olim,
quam differente passu theologia moralis et scholastica incedant.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|