Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
(2) Reverendissimus dominus abbas in Ettal, qui nudiustertius litteras ad me misit
(causa capiendae informationis circa hominem quendam, opificem caementarium, qui
ante complures annos in monasterio nostro ad orthodoxam religionem conversum et ab
haeresi absolutum se esse perhibet et modo in districtu territorii Ettalensis
domicilium figere cogitat) cum plurima salute et multorum annorum fausta
apprecatione reverendissimae pietati vestrae, ut honoratissimo patri filius, per me
recommendari petiit, quod hisce praesto et una reverendissimae pietati vestrae in
Oenipontano exilio prosperam valetudinem et secundos successus exopto e gremio
matris Februarii septima die beato Nivardo sacra.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|