(1) Iuxta humanissimae salutationis obsequium et novi anni faustissimam apprecationem est, cur reverendae dominationis suae religiosum silentium et graves curas hocce meo epistolio nonnihil turbare audeam ignotus interpellator. (2) Diu non est, cum intelleximus admodum reverendum et eximium dominum patrem Seraphinum, candidi instituti vestri magistrum theologum, directioni admodum reverendae pietatis vestrae, ut comperimus, submissum in monasterio Pollingensi praelectionibus, philosophicis nescimus an theologicis, finem propediem daturum. (3) Quem cum in hoc literario aratro seu coepto profitendi labore perseverare velle non dubitemus, si eidem admodum reverendo domino lectori allubesceret relictis tantisper Sueviae Bavariaeque planis aspera montium nostrorum Tyrolensium adire, esset in monasterio nostro Stambsensi religiosa iuventus, quae in palaestra philosophica et stadio moralis theologiae percuperet erudiri. (4) Quam ob rem si isdem reverendus admodum et clarissimus pater de consensu admodum reverendae dominationis suae aliorumve superiorum, quorum interest per excursum aliquem faciem loci nostri videre et suae accomodationis experimentum capere[ERROR: no reftable :] Inter experimentum et capere in rasura facere. vellet, pergratus nobis eius foret adventus, quem speramus eas conditiones inventurum, quarum necesse non foret paenitere. Id quod reverendissimi mei

domini abbatis[ERROR: no reftable :] reverendissimi ... abbatis] Gemeint ist Abt Bernhard Gemelich. nomine ac iussu admodum reverendae et religiosissimae pietati suae significare habui me simul eidem obnixe commendans et gratificationis responsum expectans.