Welcome to PhiloLogic  
   home |  the ARTFL project |  download |  documentation |  sample databases |   
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
Previous Section

Next Section

260. Stephani an Abt Ferdinand Wenzel von Marienberg [Stams], 26. November 1653 Stephani hat für Abt Ferdinand in Hall eingekauft. Die Waren sind am 17. November in Stams eingetroffen, doch in Ermangelung eines geeigneten Boten können sie erst jetzt weitergeschickt werden. Stephani hofft, dass der Abt mit dem Preis einverstanden ist. Einen Händler aus Nürnberg und einen aus Augsburg hat Stephani zurückgewiesen. Ihre Ware war, wenn auch etwas billiger, doch schlechter. Um die Waren vor Schnee und Regen zu schützen, ließ sie Stephani in Truhen verpacken. Ad abbatem Mariae-Bergensem dominum Ferdinandum, 29. Novembris anno 1653. Reverendissime in Christo, amplissime et colendissime domine domine

(1) Tandem aliquando, inquiet amplitudo sua, appellunt merces, pro quibus comparandis iam dudum transmissi fuerant nummi. (2) Tarde veniunt, ita est; sed citra (quod spero) culpam meam, siquidem 17. Novembris primum Hala ad me pervenerunt, exinde vero temporis, cui eas traderem in Mariaeberg deferendas, nemo quisquam apparuit.

(3) De illarum pretio quid censura sit amplissima dominatio vestra, equidem ignoro. (4) Id tamen scio licitatum me esse, quam poteram, pressius et restrictius. (5) Pro volumine kirtrat, quia melioris notae est, florenos 10 expendi, quinque vero tomi buräth sex florenis singuli ac 30 crucigeris constant. (6) Offenderam quidem institores, Norimbergensem unum et alterum Augustanum, qui proxime dictae materiae volumen taxa adhuc minore vaenum proponebant, solis sex Rhenensibus contenti, sed merces paulae obsoletae et antiquae videbantur. (7) Boni consulat amplissima dominatio vestra operam meam, quidquid eam rideat non nemo patrum vestrorum, quem iactitasse intelligo, frustranee conduci in nundinis Halensibus, quae aeque tolerabili pretio coëmere amplissima dominatio vestra posset domi.

-- F102r --

(8) Ne quid porro nivium aut pluviae pannos hosce corrumperet, scrinio eos reclusi sperans hac ratione illibatos amplitudini vestrae per nostros aurigas fore consignandos, cui me officiose commendo et maneo amplissimae dominationi vestrae studiosissimus servus in Christo.

Previous Section

Next Section


Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
Powered by PhiloLogic