Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
258. Stephani an seinen Bruder, Prior Laurentius Stephani in Wilten
[Stams], 31. Oktober 1653
Stephani grüßt seinen Bruder, ohne ihm Großes mitzuteilen zu haben. Er legt dem Brief
eine Liste bei, in der alle Leute verzeichnet sind, die er im Laufe des Jahres für
die Rosenkranzbruderschaft gewinnen konnte. Als General der Marianischen
Bruderschaft will er dafür sorgen, dass diese in der nächsten Predigt nicht
vergessen wird.
Ad fratrem meum Laurentium Wilthinae priorem, 31. Octobris anno 1653.
Admodum reverende in Christo, clarissime domine prior, frater honoratissime et
dilectissime
(1) Scitum magni Hieronymi est, ubi scribere nihil habeas, saltem hoc ipsum scribas
nihil incidisse calamo dignum. (2) Hoc iuxta affectuosam et fraternam salutem,
unicum scriptionis argumentum praesentibus hisce erga admodum reverendam
dominationem vestram praestitum cupio. (3) Neque nam quidquam occurrit, quod merito
perscribendum censeam, nisi illud forte, quod cum impense optem quamplurimos in
sagenam perpetui psalterii ex omni genere hominum congregare, perpauci sint, qui
escam spiritualem appetant, id quod admodum reverenda dominatio vestra perspiciet
ex annua mea captura, quam adiunctus indiculus demonstrat. (4) Generalis sacrae
communionis a Marianis sodalibus in suffragium defunctorum proxime frequentandae non
sum immemor, faciamus, ut et ecclesiastes illius ex ambone sit memor. (5) De reliquo
valeat, opto, quam integerrime admodum reverenda dominatio vestra atque in sacris
suis, quae circa rosarium perpetuum versat, negotiis mei meminisse non desinat.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|