Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
(6) Alterae tuae pro textore verba faciebant, quem tu quidem cuperes fratribus
nostris conversis aggregatum. (7) Ego vero nec tuis nec illius precibus flector,
quia in sententiam Caesariensis abbatis iam pridem totus abivi. (8) Cocum habemus,
ut nosti, et artis sartoriae duos, ohe, sat conversorum! (9) Facessunt hi
superioribus suis plus satis molestiarum. (10) Iam saepius mecum rem hanc
profundiore trutina ponderavi nec inveni e re nostra esse entia conversorum sine
necessitate multiplicare. (11) Nolim igitur de cetero amplius mihi seu tonsores
ingeras seu olitores seu etiam alterius cuiuscumque opificii homines; neque nam hi
fulcra sunt, quibus cardo religionis nostrae nititur. (12) Qui libros et studia, non
qui forficem tractent, desideramus. (13) Pro choro et cura animarum semper adhuc
hominum penuria laborat collegium nostrum.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|