Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
(1) Facta mihi non ita pridem ab admodum reverenda et clarissima dominatione vestra
promissione de conferendis nonnullis indulgentiarum intentionibus, quas pro meo
quodam pulchro numismate inaurato sollicitaveram, temperare mihi non potui, quin
praesenti occasione admodum reverendae et clarissimae dominationi vestrae aurem
desuper modeste vellicarem, quantumvis forte monitor importunus. (2) Stimulat me ad
hoc audaciae, quod sciens quamplurimas indulgentias cum ab Urbano olim octavo, tum a
moderno pontifice[ERROR: no reftable :] a moderno pontifice] Gemeint ist Papst Alexander
VII. (1655-1667). abrogatas, libenter e gazophylacio
ecclesiae aliquid obtinerem, de cuius certitudine et valore mihi securo esse
liceret. (3) Praesumo igitur de benevolentia admodum reverendae et clarissimae
dominationis vestrae futurum, ut ad hanc meam interpellationem de thesauro suo, quem
abhinc biennio Romae satis liberalem effoderat, mihi duo saltem minuta elargiri non
renuat; (4) dicere volo de mille sacris intentionibus unam tantum alteramve, nec
tamen sine adiecta (qua maxime indigeo) scripta aliqua instructione, super
intentiunum talium extensivo valore et obligatoriis easdem lucrandi conditionibus.
(5) Erit forte, cum hanc munificentiam admodum reverendae et clarissimae
dominationis vestrae amico quopiam obsequio potero emereri.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|