254. Stephani an Abt Bernhard Gemelich in Mais [Stams], 4. Oktober 1653 Stephani schickt dem Abt Briefe an die Provinzialen von Schwaben und Franken zur Unterschrift. Der Brief in die Grafschaft Seifriedsberg bedarf noch einiger Ergänzungen. Bei der erzherzöglichen Kammer wurde vorgesprochen, um die Erlaubnis zu erhalten, Holz aus dem Inn zu ziehen, um den Kreuzgang decken zu können. Einige Konventsmitglieder sind immer noch beleidigt, dass sie der Abt nicht zur Ernte nach Mais mitgenommen hat. Ad reverendissimum abbatem nostrum in Mais existentem, 4. Octobris 1653. Reverendissime in Christo pater, observandissime domine domine

(1) Mitto reverendissimae pietati vestrae ad signaturam litteras, quas ante eiusdem abitum nondum ematuraveram, reverendissimis dominis provincialibus (Sueviae saltem et Franconiae, de quibus solis mandatum acceperam) inscriptas, ex quibus quae ad reverendissimum Caesariensem[ERROR: no reftable :] ad reverendissimum Caesariensem] Gemeint ist Abt Georg IV. Müller von Kaisheim. destinantur, aliquo adhuc postscripto indigerent circa dynastias Seifridsperg et Wald, quod cum ego formare non possim, rerum ignarus, reverendi patris secretarii schedulam, hoc de negotio aliquid memorantem, hisce meis includere et sic monitor saltem esse volui.

(2) Hodie archiducali camerae supplicavimus pro facultate ligna de fluvio extrahendi, quae certe apprime necessaria erunt tegendae porticui, quam reverendissima pietas vestra pilentis sive curribus custodiendis extrui mandavit.

(3) Qui de conventu reverendissimam pietatem vestram ad vindemias libenter comitati fuissent, iis etiamnum dentes pruriunt et adhuc saliva in ore est foventibus adhuc aliquam spei scintillam de accipiendo citatorio ex Mais. (4) Sed Deus de istis disponat et reverendissimam pietatem vestram in terra desiderabili commorantem et inde huc ad nos reversuram clementissime custodiat.