Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
(4) Dominus Martinus Mittnacht cum humili et obsequiosa salute reverendissimae
pietati vestrae se intime commendat de vita et incolumitate sua incertus et multum
anxius; qui hodie per proprium nuntium Oeniponto accersiri iussit dominum Castner,
circa ultimam voluntatem suam adhuc aliqua dispositurus, quemque hodie vel cras
divino viatico et extremae unctionis sacramento pro voto ipsius muniemus. (5) Est
nam status eius iam longe alius ab eo, quem hactenus tenuit; nam praeter arctationem
spiritus, qua diu iam premebatur, intumescit nunc etiam venter aliaeque corporis
superioris partes tremuntque ac contrahuntur pedes, non aliter atque in catalepsi
fieri solet.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|