Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
(1) Miror equidem epistulas tuas, quas nunc Anglipoli ad me destinas, citius
apprehendere metam, quam quibus antehac Salisburgo me conveneras, cum interim credam
plures dietas a montibus nostris distare planitiem Ingolstadianam, quam solum
Salisburgicum. (2) Binas hactenus, quod sciam, e Bavaria misisti, quarum utraeque
intra quinque dies ad me pervolarunt. (3) In prioribus quod cum candore mihi
aperueris statum confratris tui Fortunati,[ERROR: no reftable :] confratris ... Fortunati] Gemeint ist
Bruder Fortunatus Clementi. catarrhis ex immodico potu
tunc laborantis ac per morum licentiam ferme iam etiam in regionem dissimilitudinis
abire incipientis, id egisti, quod et tibi de lege conscientiae incumbebat et mihi
cumprimis erat probatum; (4) neque ab hoc zelo fraternitatis umquam declines velim,
quin semper ocius certiorem me reddas, ubi socium tuum ab officii semita videris
exorbitantem.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|