Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
(4) Hordeaceum decoctum, si moderate illo utare, certus sum nihil admodum tuae
obfuturum complexioni, propius nihil est, quam ut prostrata valetudine tibi ipsi et
monasterio inutilis fieri incipias. (5) Quare sanitatis cura deinceps tibi in
postremis non erit, ne alioqui tu per incontinentiam vitam tuam, monasterium vero
pro te pecuniam profudisse videamini. (6) Religiosus cum sis, cupiditatibus te tuis
leges dicere, non frenum solvere convenit. (7) Memorem insuper quam maxime te velim
cohortationis meae, qua vos e gremio matris abiturientes officii ac professionis
vestrae admonui, modestiae scilicet ac religiosae disciplinae, semper et ubique
studiosi essetis, praepositis obsequendo et omnibus aliis probatioris exempli odorem
bonum afflando habebit nam in vos, credite, oculum vigilem reverendissimus dominus
visitator et ego curam vestrae conversationis non perfunctoriam; et si te libertate
abundantem, ut in collegio vestro Stambsenses male audire occipiant, ansam dare
intellexero, avocatorias citius habebis, quam nobis de tua dissolutione quidquam
innotuisse existimes.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|