(1) Sisto reverendissimae pietati vestrae filios Stambsenses duos, Georgium Nusspaumer et Fortunatum Clementi, quos in lycaeo Ingolstadiensi altioribus disciplinis imbui desideramus convictu et contubernio fratrum Caesariensium usuros, per omnia ad normam ac leges, quas reverendissima pietas vestra eisdem figere et dictare voluerit. (2) Qui tametsi vino nostrati assueverint ac proinde cerevisiam forsan haud amica fronte sint adspecturi, oportebit tamen illos stomachum suum quantumvis recalcitrantem condocefacere, ut in Bavaria non iam amplius de urna Bacchi, sed e congio Cereris[ERROR: no reftable :] Bacchi ... Cereris] Bacchus und Ceres sind die Bereichsgötter für Wein und Getreide (Bier). potare discat, quando plus quam credibile est etiam fratribus, quos reverendissima pietas vestra e gremio suo Anglipolim miserit, non aliunde quam e penu cerevisiario hauriendum fore. (3) De reliquo confido praedictos fratres nostros vocatione, qua vocati sunt, digne ambulaturos. (4) Quos sicubi deviare vellent, reverendissima pietas vestra ad omnem nutum et imperium suum subiectos habet.