Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
(1) Dii te beare velint, fili perdilecte, cui fortuna velificare tam dedignatur. (2)
Causidicum tuum rursus egi, atque ut in Austriam abeundi aliquamdiu rusticatum (cum
Iulio Nigrano loquor) tibi copia daretur a reverendissimo,
[ERROR: no reftable :] a
reverendissimo] Gemeint ist Abt Bernhard Gemelich.
rogavi et institi, sed sicuti antehac cribro hausi, cum tibi liquorem uvae pro mensa
niterer impetrare, ita et nunc Aethiopem lavi[ERROR: no reftable :] Aethiopem lavi] Zum Sprichwort vgl. ep.
116,6. ac causa cecidi. (3) Vix nam telam postulationis
tuo nomine orsus, ubi Austriam nominavi, mox interciso loquentis filo ac praemissis
nondum finitis secuta est negativa, hoc solum -- F90r -- pro consolatione tibi relicto,
quod aliam sors itinerandi occasionem quandoque sis habiturus, si scilicet (quod
reverendissimus intendit atque, ut tibi sub rosa intimarem, concessit) Salisburgo
Anglipolim seu Ingolstadium transferare. (4) Atque haec a reverendissimo oretenus
ante hebdomades quattuor, cum in procinctu esset, post peractum Danuwerdae
provinciale capitulum Oenipontum denuo remigrandi. (5) Scripsissem eidem interea et
calamum quoque pro te supplicem fecissem, sed tanti negotiorum aggeres in camera
archiducali eum obvallant, ut super re huiuscemodi non audeam litteram vel syllabam
ingerere, responso certo certius cariturus.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|