Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
(1) En, quam secundis velis tua navigent vota! (2) Desiderasti munus diaconi, et ecce
potestatem tibi praesentibus facio, ut proxime a transactis feriis pneumatis sacri
illustribus ac magnificis dominis consistorialibus pro eo obtinendo te sistas. (3)
Tu tantum partibus tuis ne desis, sed ita instructus examinis tribunal accedas,
-- F89r -- ut et procul periculum sit repulsae et cooperatio haec mea vacua non fiat. (4)
Porro etsi nullus dubito annos omnino te habere, quos in diacono exigunt iura,
nihilominus tamen plenam certitudinem universae aetatis tuae necdum teneo, quam ut
in proximo ex litteris tuis capiam, sine dissimulatrice negligentia laborabis. (5)
Haec tibi pauca in praesens cum salute et bono affectu.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|
