223. Stephani an Albericus Manincor in Salzburg [Stams], 11. Mai 1652 Freudig verkündet Stephani, dass Manincor nach den nächsten Ferien die Möglichkeit hat, das Diakonat zu bekommen. Das Konsistorium ist auf seiner Seite, nun müsse er nur noch die Prüfungen bestehen. Ad fratrem Albericum Manincor Salisburgi in metaphysica sudantem, 11. Maii 1652. Religiose, in Christo semper amande

(1) En, quam secundis velis tua navigent vota! (2) Desiderasti munus diaconi, et ecce potestatem tibi praesentibus facio, ut proxime a transactis feriis pneumatis sacri illustribus ac magnificis dominis consistorialibus pro eo obtinendo te sistas. (3) Tu tantum partibus tuis ne desis, sed ita instructus examinis tribunal accedas,

-- F89r --

ut et procul periculum sit repulsae et cooperatio haec mea vacua non fiat. (4) Porro etsi nullus dubito annos omnino te habere, quos in diacono exigunt iura, nihilominus tamen plenam certitudinem universae aetatis tuae necdum teneo, quam ut in proximo ex litteris tuis capiam, sine dissimulatrice negligentia laborabis. (5) Haec tibi pauca in praesens cum salute et bono affectu.