Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
221. Stephani an Pfarrer Hieronymus Jäger in Mieming
[Stams], 18. April 1652
Die Mutter des Pfarrers von Mieming ist verstorben, wozu ihm Stephani sein Beileid
bekundet. Für das Begräbnis hat Pfarrar Jäger um einen Priester aus Stams gebeten,
welcher Bitte Stephani gerne nachkommt. Jäger soll morgen einen oder zwei Geistliche
erwarten.
Ad dominum Hieronymum Jäger, parochum in Miemingen, 18. Aprilis 1652.
Salutem et consolationem
Multum reverende et honorande domine vicine
(1) Translatam a labore ad requiem, ab aerumnis ad refrigerium fidelissimam matrem
reverentiae vestrae ex litteris hac ipsa hora mihi consignatis intellexi nescius,
num de superatis miseriis magis gratularer defunctae, an reverentiae vestrae de
amisso rei suae oeconomicae fulcro potius condolerem. (2) Ceterum quod reverentia
vestra piis manibus genitricis suae pluribus missarum sacrificiis crastina parentare
cupiat atque adeo unum, ut minus, ad funebres exsequias ex collegio conventus nostri
sacerdotem sollicitet, prorsus non est, cur postulatis tam iustis aures non
humaniter praebeam. (3) Quam ob rem reverentia vestra pro voto suo cras ex nostris
presbyterum unum vel duos tempestive comparituros certo exspectet, etiam posthac
diebus aliis, ubi a me desideraverit, simili gratificationis officio non
destituenda.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|