Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
(1) Iam dum ante ferias Christi nascentis, ut nosti, aditum tibi ad sacros ordines
aperire intenderam, at obsistente rigore consistorii Salisburgensis mea ego
intentione et tuo tu desiderio frustrati sumus. (2) Sed en, alteram tibi nunc pando
ianuam publicas dimissorias patentis formae transmittens, quas a reverendissimis et
magnificis dominis consistorialibus repudiandas non credam, modo ne tu succubueris
in arena examinis. (3) Successum rei proxime ad me perscribes, forsitan accepturus
sub autumnum licentiam alteram, qua in sortem etiam diaconorum coopteris.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|