Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
214. Stephani an Abt Bernhard Gemelich in Innsbruck
[Stams], 26. Februar 1652
Stephani schreibt dem Abt, da Paul Payr, der Wirt von Pfunds, an ihn herangetreten
ist. Nach dem Tod von Paul Häfele möchte er dessen Nachfolger auf einem Gut in
Pfunds werden, das dem Kloster gehört. Als Stephani ihm sagte, dass er nicht
zuständig sei, bat er zumindest um ein Empfehlungsschreiben für seinen Besuch bei
Abt Gemelich in Innsbruck, das dieser Brief nun darstellt.
Ad reverendissimum abbatem nostrum inter Oenipontanos agentem, 26. Februarii
1652.
Reverendissime in Christo pater, observandissime domine domine
(1) Praesentibus reverendissimae pietati vestrae molestiam facessere cogor
interpellatus et exoratus precibus harum exhibitoris Pauli Payr, cauponis in Pfuns,
qui hodierno mane, cum ad altaris libamen propediem me accingerem, casu superveniens
suique adventus causam exponens ambire se aiebat aliquam gratiam, quam a
reverendissima pietate vestra et religioso conventu nostro obtinere cuperet et
speraret, nec aliam esse, quam ut feudum in dicto loco morte Pauli Häfele ad
dominium directum monasterii nuperiime devolutum sibi prae aliis concrederetur. (2)
Cui cum dicerem hac in parte penes me nihil virium esse nec a me stare eiusmodi
infeudationem, istud saltem favoris sibi ne abnuerem, petiit, ut vel verbulo hocce
desiderium suum reverendissimae pietati vestrae intimarem meumque pro se qualequale
suffragium apponerem, quod paucis istis lineolis praestare volui ac reverendissimae
pietati vestrae me et reliquam filiorum turbam obnixius commendare.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|