Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
(1) Fasciculum litterarum, quem reverenda admodum pietas vestra in nupero suo
transitu penes iudicem nostrum deposuerat mihi tradendum, postridie reditus nostri
ex Bavaria reverendissimo meo[ERROR: no reftable :] reverendissimo meo] Gemeint ist Abt Bernhard
Gemelich. ad manus rite consignavi, qui tam copias
capitalium, quam schediasmata censuum scrutatus volvit singula ac revolvit totumque
negotium[ERROR: no reftable :]
negotium] Es handelt sich wohl um eine kostspielige
Studienangelegenheit, in der sich der Professor die Hilfe des Stamser
Abtes erhofft hatte. eius conditionis invenit, ut
gratificari petentibus, quantumvis pronissime vellet, nulla ratione posset. (2)
Praeterquam nam quod redditus monasterii nostri ultra contributiones annuas et
sumptus novi aedificii, quod iam -- F80r -- sex amplius annos continuamus, residuum
aliquid vix relinquant, aerarium provinciae et officium salinae Halensis (unde boni
creditores Salisburgenses transactorem suum haurire iubent) tam misero ac deperdito
in statu versatur, ut non exteri tantum, sed et indigenae eius inopia patiantur. (3)
Nihilosecius tamen, si reverendae admodum pietati vestrae die aliquo ab actionibus
suis vacuo, brevem excursum in Stambs facere luberet, paratus esset reverendissimus
meus cum eadem super negotio memorato pluribus conferre oretenus ac saltem consilii
aliquid suggerere, qui ferre nil posset realis subsidii. (4) Aliud, quod in rem
praesentem faceret, significare non habeo. (5) Interim reverendae admodum pietati
vestrae servitia mea cum multa salute offero quam paratissima. Ex Stambs etc.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|