Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
196. Stephani an seinen Bruder, Prior Laurentius Stephani in Wilten
[Stams], 23. April 1651
Als Stephani erfuhr, dass eine Stamser Magd, die Tochter des Wiltener Müllers, nach
Wilten geht, ließ er sie noch ein wenig warten, um einen Brief an seinen Bruder zu
verfassen. Darin verzeichnete er diejenigen, die im letzten Jahr der Bruderschaft
beigetreten sind. Wenn Laurentius will, dass sein Bruder weitere Leute anwirbt, soll
er neue Formulare schicken. Stephani hat alle bis auf zwei aufgebraucht.
Ad fratrem meum germanum Laurentium Wilthinensem priorem, 23. Aprilis 1651.
Admodum reverende in Christo, clarissime domine, dignissime prior
Germanam salutem et prompta fraternitatis obsequia
(1) Harum exhibitricem, molitoris vestri filiam ac monasterii nostri ancillam, cum
Wilthinam iam iam abiturientem intelligerem, tantisper exspectare iussi, dum in
scedula conscribere possem perbreve syllabum eorum, quos ab anni circiter spatio
perpetuo intemeratae Virginis psalterio addixeram. (2) Illud igitur schediasma
mitto, cui litteras alias ob angustiam temporis exarare non licuit. (3) Quodsi
admodum reverendae dominationi vestrae libeat per me plures adhuc porro sanctissimae
huic societati adiungere, laxabo retia, quantum potero, modo reverenda admodum
dominatio vestra ne desit, sed novas iterum schedas mihi submittat, qui posthabitas
omnes distribui ad usque duas. (4) Ac hisce plurimam apprecans salutem fratri me
fratrem studiose commendo.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|