(3) Mirum est epistulas reverendissimi mei ex Stambs mensibus Martio ac Maio emissas tam diu ignotis in latibulis detentas adeo tarde Alderspachium fuisse perlatas. (4) Ignoramus nimirum, qua via securius ad reverendissimam et amplissimam dominationem vestram appellerent. (5) Tentavimus semitas multiplices; quandoque nam Augustam, nonnumquam etiam Salisburgum, crebrius Monachium ad curiam Firstenfeldensem epistolia direximus, semper tamen experti quocumque in itinere ea lente admodum festinasse.