184. Stephani an Abt Bernhard Gemelich in Obladis [Stams], 19. August 1650 Stephani übermittelt dem Abt zu seinem Namenstag die Grüße des gesamten Klosters. Mit 22 Messen und 14 Rosenkränzen wird das Fest gefeiert, außerdem mit einem kleinen Gedicht am Ende des Briefes. Ad eundem in eadem cura versantem, 19. Augusti anno 1650 Salutem a Domino et sertum exultationis in coelo perpetuae Reverendissime in Christo pater, observandissime domine praesul

(1) Redeunte denuo faustissimo sidere, quod nobis clarissimi aeque ac sanctissimi patris Bernardi natalem[ERROR: no reftable :] Bernardi natalem] 20. August. advexit, partium nostrarum erat reverendissimae pietati vestrae filialiter applaudere annosque precari felices adiecto qualicumque subiectionis et reverentiae symbolo genethliaco, quod quia coram ac vocis officio hodie praestare nequimus, calamo exprimere inque aures et animum absentis demittere cogitavimus. (2) Itaque reverendissimae pietati vestrae tota filiorum congregatio intime gratulando accinit et praeter transmissum praesens exile munusculum suffragiorum etiam spiritualium cupit eandem sibi devincire corona, quam nexuri sumus e viginti duobus missae sacrificiis et 14 rosariis pro reverendissimae pietatis vestrae incolumitate exsolvendis, cui demum uno omnes ore hoc nuncupamus votum:

(3) Sint tibi saecla dies et vivas mille diebus,

tum bene re gesta serus ad astra redi!