Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
(4) E iudice nostro intellexi reverendissimae pietatis vestrae ad nos reditum omnino
adhuc esse incertum, quem nemo praestolatur avidius, quam fratres nostri iuvenes,
qui proxima angaria sacris initiari ordinibus sperantes suspirant. (5) Quodsi -- F74r --
reverendissimam pietatem vestram ante ferias pentecostes contingat forsitan non
reverti atque adeo ipsos a desiderata promotione rursus suspendi, propius nihil est,
quam ut pusillanimes fiant ac spiritum tristitiae ossa exsiccante incurrant. (6)
Illorum proinde intuitu rogarim reverendissimam pietatem vestram in eventum reditus
sui tardioris tribus quattuorve litteris in proximo mihi significare dignetur, quid
ratione ordinum de dictis iunioribus in memoratum tempus disponendum; quod dum
exspectamus, reverendissimam pietatem vestram interim protectioni ac providentiae
divinae precum et sacrificiorum iugi instantia commendamus.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|