(5) Novitius noster Georgius Vischer, nescio num instigante maligno, an propria impellente levitate, egressum et abitum rursus modis omnibus urget, cui ne tantae quidem induciae persuaderi possunt, ut vel reditum reverendissimae pietatis vestrae exspectet. (6) Interea tamen non omittam consultare de mediis lucrandi animam eius et, si ad mentem valeat meliorem quaqua via reduci, nihil intentatum relinquam.