Welcome to PhiloLogic |
home | the ARTFL project | download | documentation | sample databases | |
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
173. Stephani an Bruder Albericus Manincor in Salzburg
[Stams], 20. November 1649
Manincors Brief vom 28. Oktober 1649 ist sehr spät in Stams eingetroffen. Stephani
hat sich zwar noch keinen geschliffenen Stil, wohl aber ein fehlerloses Latein
erwartet. Er tadelt Manincor, dass er sich in Kufstein von seiner Schwester ein
Pferd und Geld geborgt hat. Der gewünschte Mantel kann nicht aus Stams geschickt
werden, Manincor soll sich an Rektor Romanus in Salzburg wenden, über den Stephani
etwas mehr wissen möchte. Stephani weist Manincors Beschwerde über das allzu karge
Weggeld zurück. Er selbst habe in Ingolstadt noch weniger gehabt. Um die Postkosten
soll sich Manincor keine Sorgen machen. Ein bis zwei Briefe im Monat soll er nach
Stams richten. Außerdem soll er bedenken, dass die Briefe, die er von Stephani
erhält, vertraulich sind.
(1) Quas ad me Salisburgo primas die Octobris duodetricesima dedisti, tardius multo ac serius exspectatione mea recepi, propridie scilicet, quam has cernis obsignatas. (2) Elegantiam in epistula tua multam nec requirere adhuc potui nec sperare, at saltem ab erroribus eam oportebat fuisse immunem. (3) Quod in Kueffstain sorori tuae praeter decorum importunior fueris non equum tantum, sed et pecuniam captando, id nullatenus probare possum, qui ibidem divertendi facultatem tibi tantisper solum concessi, dum de ratione viae et aeris salubritate certi aliquid indagares. (4) Pallium, quod desideras, cum ob itineris longinquitatem e monasterio tibi submitti non possit, admodum reverendi patris rectoris[ERROR: no reftable :] reverendi ... rectoris] Gemeint ist der Salzburger Rektor Romanus. ope comparabis moderatum et statui tuo conveniens. (5) Romanum nuncupari rectorem vestrum ex litteris quidem ipsius didici, ulterius tamen adhuc scire aveo, num is solum regat convictorium, an vero universae iura dicat academiae. (6) Causari te in litteris tuis viatici porrecti tenuitatem, non sine admiratione, ne dicam stomacho, legi. (7) Atque imprimis scito non a me illud, sed ab reverendissimo nostro[ERROR: no reftable :] reverendissimo nostro] Gemeint ist Abt Bernhard Gemelich. tibi constitutum et ministratum! (8) Deinde credas velim mihi quondam, cum a studiis avocarer, quantumvis theologo et iam presbyteratus ordine insignito, non nisi novem florenos a nostro abbate transmissos fuisse, quibus Ingolstadio ad domum professionis usque triginta circiter milliaria emetiri oportuit. (9) Sed esto, pecunia tibi data in totum iter non suffecerit, num idcirco illius expensae rationem (ut iussus fueras) nullam dare valuisti? (10) De cista, canopaeo, et siquae sunt hoc genus alia omnino necessaria, quin tibi provideres, numquam inhibui. (11) Circa salarium postae propter litteras tuas ne sollicitus esto! (12) Tu tantum iussis obedire memento et mensibus singulis aut summum binis epistulam ad matris tuae gremium dirigito! (13) Ceterum cum a me vicissim aliam quandoque acceperis, tibi illam cogita scriptam, non passim cuivis obvio pandendam promiscue. (14) Hisce vale et litterarum non magis quam virtutum taliter te studiosum exhibe, ut spem de te conceptam vita et conversatione degeneri in nobis iugulari non patiaris.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae]. |