Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
(1) Dies sunt 14, cum litterae ad monasterium perferebantur, quibus Elias Berchtold,
colonus noster in Haiterwang, instanter a reverendissima pietate vestra sollicitabat
deputari ac transmitti ad se nostrorum quempiam officialium, quorum rationes inire
posset dati et accepti, ut antequam ex fatali infirmitate, qua Dominus eum
visitaverat, hinc emigraret, sciret, quid vel quantum reverendissimae pietati
vestrae adhuc deberet ex hospitio sibi locato. (2) Quamobrem iudex noster, quod res
moram non pateretur ac simul operae et itineris pretium esset, postridie acceptarum
litterarum eo profectus invenit dictum Eliam hospitem extremis ecclesiae sacramentis
iam communitum diem praestolari novissimum, cum quo qualiter ratiocinium peregerit,
mihi incompertum.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|