Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
(2) Heri sub tempus cenae sive collationis ad monasterium divertit dominus abbas
Iongelinus cum fratre suo, Benedictino, si diis placet, abbate, qui negotiorum
gratia Oenipontum se petituros dicebant. (3) Sed cum hac primum hora inaudierim,
serenissimum archiducem[ERROR: no reftable :] serenissimum archiducem] Gemeint ist Erzherzog
Ferdinand Karl. hodiernam festivitatem agere in Telfs,
forsan illi viae usuri compendio, ibidem eum interpellabunt, non exspectato ipsius
ad urbem reditu. (4) Et quia proposita principis in dies prope et horas mutantur,
vereor, ne inopinato coenobium quoque nostrum petat, quidquid nuper scripserit
generosus dominus de Triempach, hoc tempore territorium Stambsense venatione non
inquietandum. (5) Quod iudex noster nomine reverendissimae pietatis vestrae mihi
intimavit de festo almi patris nostri transferendo et concione in templum claustrale
transportanda, id populo e suggestu hodie iam est denuntiatum, ad quod dum reducem
reverendissimam pietatem vestram exspectamus, interim secundissimam valetudinem
eidem ex effectu acidularum optamus, vovemus.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|