163. Stephani an Abt Matthäus von Aldersbach [Stams], 13. Juli 1649 Der Brief des Abtes vom 29. April ist erst am letzten Juni in Stams angekommen. Im Ordenshaus in Raitenhaslach scheint es zu Verfehlungen gekommen zu sein, in die der Abt mit harter Hand eingreifen musste. Der dortige Abt wurde abgesetzt, einige Brüder in andere Klöster geschickt. Stephani schlägt weiters eine baldige Visitation dort vor und außerdem das Hinzuziehen eines weiteren Abtes, um mehr Autorität zu erlangen. Wenn Abt Matthäus auch im Namen der Kongregation visitieren möchte, würde ihm Abt Gemelich enstprechende Papiere ausstellen. Der Abt konnte selbst nicht schreiben, da er sich in Innsbruck aufhält. Ad abbatem Alderspacensem Matthaeum, 13. Iulii 1649. Reverendissime in Christo pater, coelndissime domine praesul Preces et servitia exigua

(1) Quas reverendissima dominatio vestra 29. Aprilis signatas ad reverendissimum meum[ERROR: no reftable :] reverendissimum meum] Gemeint ist Abt Bernhard Gemelich. dederat, eas hic post integrum bimestre Iunii scilicet die ultimo tandem rite accepit tristissima profecto naenia continentes. (2) Et imprimis quidem dilaudat reverendissimae et amplissimae dominationis vestrae solertem vigilantiam, paternam sollicitudinem et zelum ferventem, dum periclitanti[ERROR: no reftable :] periclitanti] Vgl. Primisser cap. 42 § 26 Interea Bernardus noster ut coenobii Rothenhaslacensis scandala tandem serio tolleret, tum a Salemitano abbate tum consistorio Salisburgensi urgebatur. Ast ipse Tirolensibus praepeditus negotiis Georgium Caesareensem et Matthaeum Aldersbacensem praesules eo ablegat cum plena reformandi potestate. Sed Georgio renuente abbas Dominiorum Albae, tunc exul, una cum Matthaeo negotium Iunio mense perfecit. ordinis membro (domui Raittenhaslacensi) succurrere modis omnibus satagit ac mederi. (3) Sed dolendum sane ac deplorandum eo monasterii illius incolas iam prolapsos esse, ut phreneticis persimiles curari nec velint nec valeant. (4) Ceterum quia aequum est duriora eos sentire verbera, qui mitem pie castigantis ferulam contempserunt, consultum omnino iudicat reverendissimus meus, ut remedia arripiantur severiora, non solum transferendo fratres discolos et indisciplinatos ad alias ordinis domos, de regulari observantia bene audientes, verum etiam, si opus, ipsum abbatem, utpote nimia conniventia sua tantis dissolutionibus ac confusioni plus quam Babylonicae, saltem tacite patrocinantem a dignitate submovendo aliumque cordiatiorem et in monastico regimine magis strenuum praeficiendo. (5) Quam in rem profuerit forsan plurimum, si reverendissima et amplissima dominatio vestra in proximo visitationem ibidem

-- F67v --

rursum instituat adlecto sibi in consortium et partem operis alio quodam ordinis coabbate, qui negotii expeditionem iuvet ac roboret. (6) Sin reverendissima et amplissima dominatio vestra magis proficuum arbitretur visitationem hanc postremam institui non tantum ex munere sui vicariatus provincialis, sed etiam nomine et auctoritate nostrae congregationis, spondet reverendissimus meus se litteras commissionis cum plena potestate mox transmissurum, quamprimum rescierit eas ab amplitudine vestra desiderari et viam noverit, qua dirigendae.

(7) Atque haec sunt, quae reverendissimae et amplissimae dominationi vestrae in absentia reverendissimi mei Oeniponte inter negotia publica versantis intimanda habui, cui post demississimam salutem benedictionum et gratiarum cumulum precor ab eo, a quo est omne donum et omne datum optimum.