Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
161. Stephani an Prior Simon Spitzweg in Seefeld
Stams, 14. Juni 1649
Vor drei oder vier Monaten war Spitzweg in Stams, konnte aber nicht zu Stephani
vordringen, der mit dem Abfassen von Briefen in Ordensangelegenheiten zu tun hatte.
Dennoch hofft Stephani, dass es bald zu einem Treffen kommen wird. Am 24. Juni wird
in Stams das Patrozinium des Hl. Johannes gefeiert, wozu Stephani Spitzweg einlädt
und ihn zudem auffordert, einen Festprediger zu schicken.
Ad reverendum admodum patrem priorem in Seefeld, Simonem Spizwegg, 14. Iunii anno
1649.
-- F66v -- Admodum reverende in Christo, doctissime et dignissime domine prior
(1) Quod unicum amicorum desiderium est, mutuo frui alloquio, eius hactenus
reverendae admodum pietati vestrae ac mihi potiundi data non est occasio. (2)
Declinaverat quidem ante tres quattuorve menses admodum reverenda pietas vestra ad
monasterium nostrum, sed vere tantum per modum transeuntis, cum ego in scribendis
epistulis circa ordinis negotia graviter implicatus destinerer. (3) Verumtamen quia
saepe dat una dies, quod totus denegat annus, spero in brevi votis nostris arrisurum
Apollinem. (4) Eam in rem ad solemnia annua patrocinii, quae 24to huius magno
praecursori divo Ioanni festive persolvemus, admodum reverendam pietatem vestram
praesentium serie quam humanissime invitatam volo, obsequia tunc mea quantilla
pronissime impensurus. (5) Ceterum quia amicos iuvat esse audaces, quam anno
superiore benevolentiam[ERROR: no reftable :] anno ... benevolentiam] Vgl. ep. 134 und
135. ab admodum reverenda pietate vestra experiri licuit,
eandem rursus fidenter sollicito rogans scilicet, ut pro memorato festo patroni
nostri quempiam e suis ecclesiasten nobis velit transmittere, qui thaumaturgum
nostrum Ioannem fortiter ex ambone proclamet. (6) Erit, cum hanc gratificandi
voluntatem vicario gratitudinis studio non obliviose conabimur emereri. (7) Raptim
ex solitudine nostra Stambsensi etc.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|