158. Stephani an Kooperator Johannes Schnürlin in Mais Stams, 24. Dezember 1648 Stephani bedankt sich für den letzten Brief und das Bildchen, das er bekommen hat. Er wünscht Schnürlin ein gutes neues Jahr. Leider leidet er selbst immer noch unter starken Kopfschmerzen. Als Geschenk schickt er ein ihm sehr liebes Bildchen Gott Vaters mit. Ad patrem Ioannem Schnürl in Mais, 24. Decembris anno 1648. Venerabilis in Christo pater, confrater plurimum amande

(1) Acceptis cum imagine litteris reverentiae vestrae, etsi tantillum temporis ab occupationibus vix supererat, ut vel pauculas tantum lineas rescriberem, committere tamen nolui, quin saltem officio salutationis perfunctus annum novum reverentiae vestrae quam faustissimum apprecarer, quem ut in corporis ac spiritus vigore et sospitate feliciter transigat, impendio exopto. (2) Meae res quoad valetudinem corporalem in statu optimo

-- F65v --

non sunt; nam vires capitis mei ut plurimum vergere videntur in deterius, nescio quo tandem exitu.

(3) Xeniolum reverentia vestra capiat iconem Dei parentis parvulam, quae cum inter ea hactenus fuerit, quae mihi cariora, reverentia vestra non a pretio eam aestimabit, sed ab animo benevoli datoris, cuius in precibus ac sacrificiis memoriam non negligat velim. (4) Raptim ex Stambs ipso nati salvatoris pervigilio.