Philologic Results

155. Stephani an Abt Bernhard Gemelich in Innsbruck [Stams], 28. November 1648 Matthäus Pasch bittet Stephani schon seit längerer Zeit, ihn zum Nachfolger seines verstorbenen Vaters, des Verwalters der Klosterbesitzungen in Silz einzusetzen. Der Pfarrer von Silz hat ihn dem Konvent überschwänglich empfohlen. Somit legt Stephani dem Abt das Ansuchen vor. Er kann den Kandidaten empfehlen, weiß jedoch nichts über mögliche andere Bewerber. Die Äcker und Gärten des Anwesens in Silz liegen seit der letzten Ernte brach. Über die Kongregation sind außer den genannten keine neuen Briefe eingegangen, die Stephani nun im Original mitschickt. Nach Ebrach ist eine vorläufige Antwort (= ep. 152) ergangen, deren Inhalt kurz referiert wird. Stephani bittet den Abt, an das Geschäft mit Salzburg zu denken, das Professor Aegidius Ranbeck in die Wege geleitet hat und in dem es um die Besitzungen der Maria Schluderbacher geht.

-- F64r --

Ad dominum abbatem nostrum ibidem moras nectentem, 28. Novembris anno 1648. Reverendissime in Christo pater, antistes observandissime

(1) Interpellor iam toties a Matthaeo Pasch vacantem hoc temporis villam nostram in Silz ambiente, ut importunis suis accessibus ac precibus repetitis et aures mihi prope et mentem fatiget. (2) Sperat in demortui parentis sui locum substitui et pro monasterii villico acceptari, quem in finem iam ante octo septimanas intercessionales attulit, quas parochus ad me et venerabilem conventum fusissime dederat multis eum nominibus ac modis commendans. (3) Quibus utrisque ut vel aliquatenus saltem morem gererem, cum petitionem huiusmodi oretenus coram reverendissima pietate vestra deponendi occasio hactenus non fuerit, promisi his diebus eam scripto me insinuaturum Oeniponte agenti, quod et hisce praestitum volo. (4) De reliquo licet mihi ac patribus in conventu supplicantis persona non displiceat eiusdemque candor et fidelitas satis constent (quo etiam nomine libenter eum prae aliis commendatum vellem), quia tamen de aliis requisitis villicandi negotium concernentibus, nihil est, quod resciamus commendatione hac nostra alteri, siquis adforet, aptiori, inconsulto nolumus quidquam praeiudicare, dummodo suus praedicto Silzensi praedio cultor brevi praestituatur, quandoquidem nunc illius agros et arva, ut audio, nullus arat neque occat, sed a tempore messis peractae inculta relinquuntur.

(5) De rebus congregationis litterarum nihil accepi praeter illas, quarum synopses nuper sigillatim perscripsi; quia vero reverendissimae pietati vestrae forsitan magis collibuerit ipsas praesulum epistulas authographas per otium evolvere, eas hic transmitto, etsi prothocollo nondum insertas. (6) Ex his responsum[ERROR: no reftable :] responsum] Gemeint ist hier ep. 152. a me pro interim ac provisorie receperunt litterae Ebracenses, quarum authori, reverendissimo domino praelato,[ERROR: no reftable :] reverendissimo ... praelato] Gemeint ist Abt Peter II. Scherenberger von Ebrach. iudicavi confirmationem abbatialem pro electo domino Valentino Brunbacensi Cistercii non modo sine difficultate obtentam, verum etiam instrumentum illius dudum sub ingressum aestatis in forma solemni et in membrana originaliter ad reverendissimam pietatem vestram in Stambs directum, cuius transsumptum copiamve autenticam a nobis transmissam quod hactenus non acceperit, soli iniuriae temporum ac viarum periculis esse adscribendum, interea servari adhuc penes nos ipsum confirmationis iam dictae decretum originale, cui sustollendo vel proprium dirigere possit nuntium vel aliud medium competens adinvenire.

(7) In moderno statuum conventu spero reverendissimam pietatem vestram memorem vel iam fuisse

-- F64v --

vel ut minus etiamnum futuram negotii Salisburgensis circa venditionem census Mariae Schluderpacherin; qua in re si spei aliquid pro favorabili gratificatione affulgeat, libentissime id rescirem, quo causae sollicitatori admodum reverendo patri Aegidio Ranbek, canonici iuris ad Salisburgum professori, in proximo gratum desuper responsum possem perscribere. (8) At ne prolixitate taedio sim, finio et revrendissimae pietati vestrae me cum filiali salute humiliter commendo.