Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
(1) Quando praeter omnium nostrorum exspectationem reverendissimam pietatem vestram
ex vindemiis per aliam viam reverti contigit, quam ut comminus eandem salutare
liceret, litteras Salemitanas et Ebracenses, quarum argumentum tres ante circiter
hebdomades in Mais perscripsi, reverendissimae pietati vestrae ad manus, ut volebam,
consignare non possum. (2) Praeter eas diebus posterioribus advenerunt a variis
variae et imprimis quidem a praelato et priore Ottoburanis, quae aliud non
continent, quam quod uterque illorum effuse gratias agant pro susceptione benevola
et secura locatione mobilium monasterii sui idemque suum depositum ulterius curae
nostrae officiose commendent, dum viarum et patriae publica tranquillitas avehi
illud sinant ac Ottoburae restitui.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|