Ad dominum abbatem nostrum Oeniponti commorantem, 11. Maii 1644. Reverendissime in Christo pater, observandissime domine

(1) Cura valetudinaria, quam reverendissima pietas vestra ante dies aliquammultos auspicata est, quin prosperos sortiatur progressus, nulli admodum dubitamus. (2) Nos certe in votis id unice habemus, ut sanitas antistitis nostri hactenus aliquantulum adlaesa, non modo in praesens integre reparetur, verum et in annos plurimos sarta duret et stabilis perseveret. (3) Coetus noster (laus Deo servatori) bene hactenus valuit et valet, nisi quod pater Edmundus[ERROR: no reftable :] Edmundum] Gemeint ist Pater Edmundus Quaranta, zu seinem Aderlass vgl. ep. 15,3. cum phlebotomus esset, tertio a sectione die magnam alterationem et quoddam deliquium passus omnem cibi appetentiam amisit, ita ut stomachus eius nauseabundus etiamnum de esculentis parum admittat, quin et ipsum ferme potum respuat. (4) Peculiares proinde litteras ad dominum Weinhart[ERROR: no reftable :] dominum Weinhart] Gemeint ist der Arzt Paul Weinhart d.Ä. destino,[ERROR: no reftable :] peculiares ... destino] Vgl. ep. 16. ut ei congruam purgationem praescribat, qua stomachus ipsius a phlegmatum ac rheumatum, quibus oppletum se sentit, abundantia exponeretur.

(5) Franciscum Söll (quamquam invitum et aegre adductum) quatriduo abhinc famulatu suo cedere et claves in praesentia patrum officialium et oeconomi Leonardi, [ERROR: no reftable :] Leonardi] Der Wirtschafter Leonardus tritt auch in späteren Briefen noch öfters auf; im Album Stamsense ist er nicht erwähnt. resignare compuli hac interim eum spe erigens fore, ut reverendissima pietas vestra non modo eidem pro exhibito hucusque servitio factura sit satis, verum etiam de alio promotionis genere, si quidem occasio tulerit, favorabiliter provisura.

(6) Tempestas apud nos perquam frigida, ventosa, inconstans et in omnem paene horam mutabilis atque adeo Aprilem magis quam Maium repraesentans multis metum incutit de frugum proventu parum ubere secuturo. (7) Nos tamen iactato in Dominum cogitatu nostro meliora confidimus.

(8) Ad nundinas Halenses, si reverendissimae pietati vestrae adhuc allubesceret, libens proficiscerer, tum ad insinuandum me apud dominum Draisser et debitum antiquum de panno pruno eidem exsolvendum, tum etiam ad providendum conventui de necessariis compluribus. (9) Scio reverendissimam pietatem vestram super hoc itinere licentiam expressam mihi gratiose iam concessisse, proinde eam, nisi sub ultimam feriam Pentecostes Oenipontum me conferam. (10) Atque hisce me et reliquam filiorum turbam reverendissimae pietati vestrae, quam Deus diutissime sospitet, submissione debita commendo.