(5) Cur porro eximiae dominationis vestrae dilectissimo domino fratri Paulo, [ERROR: no reftable :] fratri Paulo] Gemeint ist Paul Weinhart d.J. tanto in tempore nec litterarum quidpiam direxerim nec consilia eius medica implorarim, causa est (quam Deo in acceptis refero, et ut diutissime prorogetur, exopto) omnium fratrum prospera valetudo, quando per anni prope decursum nemo quisquam lecto aeger decubuit et ipse, qui diu infirmus fuerat, pater Bartholomaeus noster[ERROR: no reftable :] pater ... noster] Gemeint ist Pater Bartholomäus Hol. e grabato surrexit restitutus saltem eatenus, quatenus id virium modo habet, ut et nobiscum mane ad pensum matutinarum accedat et toto die chorum frequentet, quamvis ad aras sacram victimam immolare necdum valeat. (6) Erit vero, cum aura flente adversa praefati domini Pauli opem et manum auxiliarem fidenter compellabo. (7) De reliquo reverendissimus noster dominus abbas et cumprimis ac peculiariter tenuitas meae personae dominationi suae totique suorum praenobili familiae manemus pristina affectione addicti et in omnem amicitiae occasionem constanter propensi, quos Deus secundet et plena benedictione semper communiat!